International
Notification
Notification
Submit Cancel

இலங்கையில் நாடாளுமன்றம்தான் அனைத்திலும் உயர்ந்தது என்பதை ஏற்க முடியாது!– அனுரகுமார திஸாநாயக்க

இலங்கையில் நாடாளுமன்ற செயல்பாடுகளே கேலிக்கூத்தாக இருக்கும் போது, நாடாளுமன்றம் தான் அனைத்திலும் உயர்ந்தது என்று அரசு கூறுவதை ஏற்க முடியாது எனவும், நாடாளுமன்ற வழிமுறைகள் இலங்கையில் மதிக்கப்படுவது இல்லை எனவும்  ஜே.வி.பி குற்றம் சுமத்தியுள்ளது.

பிரதம நீதியரசரைத் தேடிச் சென்று வேட்டையாடும் ஓர் அணுகுமுறையை இந்த அரசாங்கம் பின்பற்றி வருவதாக ஜே.வி.பி. நாடாளுமன்ற உறுப்பினர் அனுரகுமார திஸாநாயக்க தெரிவித்துள்ளார்.

குற்றவியல் பிரேரணை சமர்ப்பிப்பு, நாடாளுமன்றத் தெரிவுக்குழு விசாரணை ஆகிய அனைத்து நடவடிக்கைகளையும் ஜே.வி.பி. முற்று முழுதாக நிராகரிக்கின்றது.

பிரதம நீதியரசர் நீதிமன்றத்தை எதிர்நோக்காமால் அவரை பொறுப்பிலிருந்து நீக்குவதற்கு அரசு முயற்சி செய்து வருகிறது என்றும், பிரதம நீதியசருக்கு எதிராக சேறு பூசும் நடவடிக்கைகளிலேயே அரசாங்கம் ஈடுபட்டுள்ளது என்றும் அவர் தெரிவித்தார்.

ஜனநாயக விரோத செயற்பாடுகளில் ஈடுபடுகின்ற அரசாங்கத்திற்கு ஜே.வி.பி ஒருபோதும் ஒத்துழைப்பு வழங்கப் போவதில்லை எனவும் அனுரகுமார திஸாநாயக்க தெரிவித்துள்ளார்.

advertisement