International
Notification
Notification
Submit Cancel

லஞ்சம் பெற்றுக்கொண்ட இரண்டு பொலிஸ் உத்தியோகத்தர்களுக்கு விளக்க மறியல் உத்தரவு

advertisement

கனேடிய பிரஜை ஒருவரிடமிருந்து ஐந்து லட்ச ரூபா லஞ்சம் பெற்றுக் கொண்ட இரண்டு பொலிஸ் உத்தியோகத்தர்களுக்கு நீதிமன்றம் விளக்க மறியல் உத்தரவு பிறப்பித்துள்ளது.

சிறுமி ஒருவரை பாலியல் ரீதியாக துன்புறுத்திய குற்றச்சாட்டின் பேரில் கைது செய்யப்பட்ட கனேடிய பிரஜையை விடுதலை செய்வதற்கு இந்த இரண்டு பொலிஸ் உத்தியோகத்தர்களும் ஐந்து லட்ச ரூபா லஞ்சமாக பெற்றுக்கொண்டுள்ளனர்.

கனேடிய பிரஜையை விடுதலை செய்வதற்காக நீதிமன்றில் குறித்த பொலிஸ் உத்தியோகத்தர்கள் போலியான தகவல்களை வழங்கியுள்ளனர்.

வவுனியா பொலிஸ் நிலையத்தின் சிறுவர் மற்றும் மகளிர் பிரிவு பொறுப்பாளர் சரத்சந்திர சுமனவீர மற்றும் பொலிஸ் கொன்ஸ்டபிள் பிரேமரட்ன ஆகியோரே இவ்வாறு லஞ்சம் பெற்றுக் கொண்டுள்ளனர்.

சந்தேக நபர்களை எதிர்வரும் 16ம் திகதி வரையில் விளக்க மறியலில் வைக்குமாறு உத்தரவு பிறப்பிக்கப்பட்டுள்ளது. கடந்த ஆண்டு ஆகஸ்ட் மாதத்தில் குறித்த கனேடிய பிரஜை சிறுமி ஒருவருடன் ஹோட்டலில் இருந்த போது கைது செய்யப்பட்டிருந்தார்.

லஞ்சம் பெற்றுக்கொண்ட பொலிஸ் உத்தியோகத்தர்கள் போதிய சாட்சியங்கள் கிடையாது என நீதிமன்றில் தெரிவித்த காரணத்தினால் கனேடிய பிரஜை விடுதலை செய்யப்பட்டார்.

நீதிமன்றை பிழையாக வழிநடத்தியதாக குறித்த பொலிஸ் உத்தியோகத்தர்களுக்கு எதிராக குற்றம் சுமத்தப்பட்டுள்ளது.

advertisement