International
Notification
Notification
Submit Cancel

ரிஸானா நபீக் விரைவில் நாடு திரும்பும் சாத்தியம்: இலங்கைக்கான சவூதி அரேபிய தூதுவர்

சவூதி அரேபியாவில் குழந்தையொன்றை கொலை செய்ததாக குற்றம்சாட்டப்பட்டு, மரண தண்டனை விதிக்கப்பட்டுள்ள இலங்கை பணிப்பெண் ரிஸானா நபீக் விரைவில் நாடு திரும்பும் சாத்தியம் உள்ளதாக இலங்கைக்கான சவூதி அரேபிய தூதுவர் அப்துல் அஸீஸ் அல் ஜம்மாஸ் தெரிவித்துள்ளார்.

நீதி அமைச்சர் ரவூப் ஹக்கீமுக்கும் சவூதி அரேபிய தூதுவருக்கும் இடையே இன்று முக்கிய சந்திப்பொன்று இடம்பெற்றது. இச்சந்திப்பின் போதே அவர் மேற்கண்டவாறு குறிப்பிட்டுள்ளார்.

இச்சந்திப்பின் போது அவர் மேலும் குறிப்பிடுகையில்,

ஜனாதிபதி மஹிந்த ராஜபக்ஷ ரிஸானா நபீக்கின் விடுதலை தொடர்பாக சவூதி மன்னர் அப்துல்லாஹ் பின் அப்துல் அஸீஸ் அல் சவூதிற்கு கருணைமனுவொன்றை அனுப்பி வைத்திருந்தார்.

இக்கருணை மனு தற்போது ரிஸானாவின் விடுதலைக்கு சாதகமான முறையில் பரிசீலனைக்கு எடுக்கப்பட்டுள்ளது. இதன் காரணமாக ரிஸானா விரைவில் நாடு திரும்பும் சாத்தியம் உண்டு.

சவூதியில் உயிரிழந்த குழந்தையின் பெற்றோர்களுடனான சமாதான முயற்சிகள் பலனிளிக்கும் எனவும் அவர் தெரிவித்துள்ளார்.

இதேவேளை, சவூதி மன்னரின் வேண்டுகோளின்படி ரியாத் ஆளுநர் சல்மான் ஏற்கெனவே உயிரிழந்த குழந்தையின் குடும்பத்தினரோடு தொடர்பு கொண்டு, ரிஸானா நபீக்கின் விடுதலை குறித்து பேச்சுவாரத்தை நடத்தியதாக சவூதி அரேபிய தூதுவர் தெரிவித்துள்ளார்.

advertisement