வெள்ளத்தால் பாதிக்கப்பட்ட மக்களுக்கு ஆலையடிவேம்பு இந்துமாமன்றம் உதவி

அம்பாறை ஆலையடிவேம்பு இந்து மாமன்றம், ஆலையடிவேம்பு பிரதேச மக்கள், வியாபார நிலையங்கள் போன்றவற்றில் சேகரித்த பொருட்களை மட்டக்களப்பில் வெள்ளத்தால் பாதிக்கப்பட்ட கிராமங்களுக்கு விநியோகிப்பதற்காக மட்டக்களப்பு மாவட்ட இந்து இளைஞர் பேரவை தலைவரும், பாராளுமன்ற உறுப்பிருமான சீ.யோகேஸ்வரனிடம் கையளித்திருந்தனர்.

அந்தவகையில் 300 குடும்பங்களுக்கு அசிரி, சீனி, பருப்பு, சோயாமீற், தேங்காய், சவர்க்காரம் உட்பட்ட உணவுப் பொதிகள் வெள்ளத்தால் பெரிதும் பாதிக்கப்பட்ட சித்தாண்டி-01 கிராம மக்களுக்கு  பாராளுமன்ற உறுப்பினர் சீ.யோகேஸ்வரன் தலைமையில், பேரவையின் அனர்த்த முகாமைத்துவ குழு நேரடியாக அக்கிரமத்துக்கு சென்று உதவிப் பொருட்களை வழங்கி வைத்தனர். கிராம அதிகாரி இதற்கான ஒழுங்குகளை மேற்கொண்டார்.

இக்கிராமத்தில் வாழும் 800 குடும்பங்கள் உள்ள நிலையில் மேலதிகமாக 500 குடும்பங்களுக்கு அமெரிக்காவிலுள்ள போரினால் காயப்பட்டவர்களுக்கும், விதவைகளுக்கும்,வறியவர்களுக்குமான அமைப்பின் (Now-Wow) நிதி உதவி மூலம் மட்டக்களப்பு மாவட்ட இந்து இளைஞர் பேரவையால் உலர் உணவுகள் முன்பு வழங்கப்பட்டமை குறிப்பிடத்தக்கது.

இவ்உதவியை புரிந்த அம்பாறை மாவட்டத்தின் ஆலையடிவேம்பு இந்து மாமன்றத்துக்கும், ஆலையடிவேம்பு பிரதேச மக்களுக்கும், வியாபார நிலையங்களுக்கும், மட்டக்களப்பு மாவட்ட இந்து இளைஞர் பேரவையும், மட்டக்களப்பு சித்தாண்டி மக்களும் நன்றியை தெரிவிக்கின்றனர்.

advertisement