இதனடிப்படையில் மகிழடித்தீவு கிராமத்தில் வெள்ளத்தால் பாதிக்கப்பட்ட 125 குடும்பங்களும், மகிழடித்தீவு தெற்கு கிராமத்தில் வெள்ளத்தால் பாதிக்கப்பட்ட 125 குடும்பங்களுக்கும் இவ் உதவி வழங்கப்பட்டது. ஒரு குடும்பத்துக்கு ஆயிரம் ரூபா வீதம் உதவிப் பொருட்கள் இன்று கையளிக்கப்பட்டன.

ஒரு குடும்பத்துக்கு இரண்டு பாய், ஒரு வெற்சீற், ஒரு அங்கர் பால்மா, மூன்று சவர்க்காரம் என்ற வகையில் பொருட்கள் வழங்கப்பட்டது. 250 குடும்பங்களுக்கும் ஒரு குடும்பத்துக்கு ஆயிரம் ரூபா பெறுமதியான பொருள் வினியோகிப்பதன் அடிப்படையில் இரண்டு இலட்சத்து ஐம்பதாயிரம் ரூபாய் பொருட்கள் வழங்கப்பட்டது.

இவ் உதவிகள் மகிழடித்தீவு கிராம அதிகாரி அலுவலகத்திலும், மகிழடித்தீவு தெற்கு கிராம அதிகாரி அலுவலகத்திலும் வைத்து, தமிழ்த் தேசிய கூட்டமைப்பின் பாராளுமன்ற உறுப்பினர்களாக சீ.யோகேஸ்வரன், பா.அரியநேத்திரன் ஆகியோரால் மக்களுக்கு கையளிக்கப்பட்டது.

இந்நிகழ்வில் மட்டக்களப்பு மாவட்ட இந்து இளைஞர் பேரவையின் அனர்த்த சேவைகள் நிவாரணக் குழுவினர்களான கி.ரவீந்திரராசா, ந.குகதர்சன், பு.பிரணவன், த.சந்திரகுமார், ம.சூரியகுமார் மற்றும் பல பிரதிநிதிகளும், மகிழடித்தீவு, மகிழடித்தீவு தெற்கு கிராம அதிகாரியும் கலந்து கொண்டனர்.

இவ்உதவியை வழங்கிய தமிழ்வின், லங்காசிறி ஆகிய இணையத்தளங்களுக்கு மகிழடித்தீவு, மகிழடித்தீவு தெற்கு கிராம மக்களும், மட்டக்களப்பு மாவட்ட இந்து இளைஞர் பேரவையும் நன்றிகளை தெரிவிக்கின்றது.