நாடு கடத்தப்பட்ட இலங்கை வர்த்தகர்களிடம் கட்டுநாயக்க விமான நிலையத்தில் வைத்து புலனாய்வுப் பிரிவினர் விசாரணை நடத்தியுள்ளனர்.

இந்த மோதல் சம்பவத்துடன் தொடர்புடைய குற்றச்சாட்டின் பேரில் கடந்த 26ம் திகதி ஏற்கனவே சில இலங்கையர்கள் நாடு கடத்தப்பட்டிருந்தனர்.

வர்த்தகர்கள் உள்ளிட்ட இலங்கையர்கள் தாய்லாந்தின் பாங்கொக் நகரில் பாரிய வீடொன்றில் தங்கியிருந்ததாகத் தெரிவிக்கப்படுகிறது.

கடந்த டிசம்பர் மாதம் 21ம் திகதி நட்சத்திர ஹோட்டல் ஒன்றில் இலங்கையர்கள் மோதிக் கொண்டதாகவும், மோதிக் கொண்டவர்களை தாய்லாந்து பொலிஸார் கைது செய்ததாகவும் தெரிவிக்கப்படுகிறது.

சம்பவத்துடன் தொடர்புடைய சகல இலங்கைப் பிரஜைகளையும் நாடு கடத்த அந்நாட்டு அரசாங்கம் தீர்மானித்துள்ளது. இதன்படி, மோதலில் தொடர்புபட்ட அனைவரும் நாடு கடத்தப்பட்டுள்ளனர்.

சம்பவம் தொடர்பில் இலங்கை அதிகாரிகள் விசாரணைகளை ஆரம்பித்துள்ளனர்.