செய்தி
 Photo
கனடியத் தமிழர்களின் எதிர்பார்ப்பும் நிறைவேற்றப்படாத தீர்மானமும்
[ வியாழக்கிழமை, 18 ஏப்ரல் 2013, 09:40.42 PM GMT ]
புலம்பெயர் சமூக வரலாற்றில் முதன் முறையாக தமிழ்ப் பாராளுமன்ற உறுப்பினர் ஒருவரை உருவாக்கிய பெருமை கனடாவாழ் தமிழ் மக்களையே சாரும்.

அத்துடன் அவ்வாறனதொரு சந்தர்ப்பத்தை கொடுத்து, கனடியத் தமிழர்களை ஒர் அரசியல் சமூகமாக நிறுவியதில் என்.டி.பி கட்சியினருக்கு கணிசமான பங்கு உண்டு. அதிலும், குறிப்பாக என்.டி.பி கட்சியின் மறைந்த தலைவர் ஜாக் லெயிற்றனுக்கு மிக முக்கிய பங்குண்டு.

இக்கட்சியின் தேசிய மாநாடு கடந்த வாரம் வெள்ளி, சனி, ஞாயிறு தினங்களில் 'மொன்றியல்' நகரில் நடைபெற்றது. சிறிலங்காவில் இடம்பெற்ற போரின் போது நிகழ்த்தப்பட்ட இனப்படுகொலைகள் மற்றும் மனித உரிமை மீறல்களை எதிர்த்துக் கண்டனத் தீர்மானங்கள் இன்று உலகம் முழுவதும் நிறைவேற்றப்படுகின்றன.

பல நாட்டு அரசுகள், அரசியற் கட்சிகள், மனித உரிமை அமைப்புகள், தனி மனித ஆளுமைகள் இத்தகைய செயற்பாட்டில் தங்களைப் பகுதியாகவோ, முழுமையாகவோ ஈடுபடுத்தி வருகிறார்கள். தமிழக சட்டசபையில் ஈழத்தமிழ் மக்களுக்கு ஆதரவான  தீர்மானம் அனைத்துக் கட்சிகளின் ஒப்புதலுடன் ( தமிழக சட்டசபை வரலாற்றிலேயே அனைவரும் ஒரு மனதாக ஆதரித்த விடயம் ) நிறைவேற்றப்பட்டுள்ளது. இந்நிலையில் புலம் பெயர் தமிழ் மக்கள் அதிகம் வாழ்ந்து கொண்டிருக்கும் நாடான கனடாவில் என்ன நடக்கும் என்பது தற்போது உலகத் தமிழ் மக்கள்  எதிர்பார்த்திருக்கும் முக்கிய விடயங்களில் ஒன்றாக உள்ளது.

அவ்வாறான ஒரு சூழ்நிலையில் கனடாவில் வாழும் சிறுபான்மைச் சமூகங்களுக்கு ஆதரவளித்தும், உலகளவில் அடக்கப்படும் மக்களது போராட்டங்களை ஆதரித்துவரும் தேசியக் கட்சியான என்.டி.பிக் கட்சியிடமிருந்து பாதிக்கப்பட்ட ஈழத்தமிழர்கள் சார்பாக, ஏற்கனவே உலகளவில் நிறைவேற்றப்பட்டுள்ள தீர்மானங்களை மேலும் பலப்படுத்தக்கூடிய வகையில் தீர்மானங்கள் நிறைவேற்றப்படும் என கனடியத் தமிழர்கள் முழு நம்பிக்கையுடன் எதிர்பார்த்திருந்தார்கள்
 
இதற்கு முன்னோடியாக என்.டி.பிக் கட்சியின் 'ஸ்காபுறோ - ரூஜ்ரீவர்' (தமிழ் பாராளுமன்ற உறுப்பினரது தொகுதி) தொகுதிக் கிளையின்  நிர்வாக சபையைத் தேர்வு செய்வதற்காக அண்மையில் நடைபெற்ற  பொதுக்குழுக் கூட்டத்தில் ஈழத் தமிழர்கள் பிரச்சினை தொடர்பான தீர்மானம் ஒன்று இப்பிரதேச தமிழ் என்.டி.பி உறுப்பினர்களால் முன்வைக்கப்பட்டு நிறைவேற்றப்பட்டிருந்தது.

அத் தீர்மானமானது இலங்கையில் தமிழ் மக்களுக்கு எதிராக நடைபெற்ற அனர்த்தங்கள் பற்றிய அனைத்துலக விசாரணையைக் கோருகின்றது. தமிழ் மக்களுக்கான சுயநிர்ணய உரிமையை அங்கீகரிக்கின்றது. தமிழ் மக்கள் தங்களது அரசியல் எதிர்காலத்தைத் தீர்மானிப்பதற்கான ஐக்கிய நாடுகள் அவையின் மேற்பார்வையிலான சர்வஜன வாக்கெடுப்பைத் தமிழர் தாயகத்தில்  கோருகின்றது. இந்த ஆண்டு கொழும்பில் நடைபெறவுள்ள பொதுநலவாய நாடுகளின் உச்சி மாநாட்டை கனடாவைப் பகிஷ்கரிக்குமாறு கோருகிறது.

அன்றைய பொதுக்கூட்டத்தில் ஏகமனதாக ஒப்புக்கொள்ளப்பட்ட இத்தீர்மானங்கள் மொன்றியலில் இடம்பெறுகின்ற தேசிய மாநாட்டுக்கு எடுத்துச் செல்லப்பட்டு அங்கு நிறைவேற்றப்பட வேண்டும் என்ற கோரிக்கையின் அடிப்படையிலேயே முன்னெடுக்கப்பட்டது. இத் தீர்மானத்தின் அவசர, அவசிய நிலை கருதி, என்.டி.பிக் கட்சியின் தீர்மான நிறைவேற்றுக்குழுத் தலைமையின் முழ ஆதரவைத் திரட்ட எமது இத்தீர்மான வடிவத்தை முன்னுரிமைப்படுத்துவதில் எமது தமிழ் பாராளுமன்ற உறுப்பினரின் முழு ஆதரவும் கிடைக்கும் என்ற  நம்பிக்கையுடன்  கட்சி மாநாட்டுக்காக மொன்றியல்  சென்ற என்.டி.பி தமிழ் உறுப்பினர்கள் தமது பங்களிப்புக்காகக் காத்திருந்தனர். ஆனால் அத்தீர்மானம் நிறைவேற்றப்படுவதற்கான வாய்ப்பு எட்டப்படவில்லை.

பொதுநலவாய நாடுகளின்  மாநாட்டைப் புறக்கணிக்கப் போவதாகப் கனடிய ஆளும் கட்சியான 'பழமைவாதக்  கட்சி' அறிவித்துள்ளது. 'லிபரல் கட்சியும்' இந்த விடயம் குறித்துப் பாராளுமன்றுக்கு உள்ளேயும், வெளியேயும் பேசி வருகின்றது. இந்நிலையில் இந்த விடயம் குறித்துப் பாராளுமன்ற கேள்வி நேரத்தில் பலமுறை பேசிய என்.டி.பி கட்சி தங்களது மாநாட்டில் இது தொடர்பில் முக்கியத் தீர்மானம் ஒன்றை நிறைவேற்றும் என்ற எதிர்பார்ப்பு தமிழர்களிடம் இருந்தது. ஆனால் மொன்றியல் மாநாட்டிற்குச் சென்ற தமிழ் என்.டி.பி உறுப்பினர்களுக்கு எற்பட்ட அனுபவம் வேறு வகையானதாக அமைந்தது.   வெட்கப்பட்டும், அவமானப்பட்டும், தலைகுனிந்தும் மாநாட்டு மண்டபத்தை விட்டு அவர்கள் வெளியேறிதாகச் சிலரது வாக்குமூலங்கள் இருந்தன.

இந்த மாநாட்டில் சீக்கியர்கள் பிரச்சினை தொடர்பான  தீர்மானத்துக்கு முன்னுரிமை கொடுக்கப்பட்டிருந்தது. 'பிராம்ரன்' தொகுதி சீக்கிய மாகாண பாராளுமன்ற உறுப்பினரான 'ஜக்மீற் சிங்' இந்திய அரசின் சீக்கியர்களுக்கு எதிரான மனித உரிமை மீறல்களை உலக அரங்கில் அம்பலப்படுத்தி அதனால் படுகொலையுண்ட 'யாஸ்வாந்த் சிங் காரலா' என்ற மனித உரிமையாளரைக் கௌரவித்து மண்டபம் நிறைந்த ஏகமனதான ஆதரவுடன் கூடிய தீர்மானம் ஒன்றைக் கொணர்ந்து நிறைவேற்றியிருந்தார்.  அதே வேளை ஒரு இனத்தையே முற்றிலுமாக அழித்த இனப்படுகொலை  குறித்து 'ஸ்காபுறோ - ரூஜ்ரீவர்' என்.டி.பி பொதுக்குழுக் கூட்டத்தில் நிறைவேற்றப்பட்ட தீர்மானம் பின்னுக்குத் தள்ளப்பட்டுள்ளது.

என்ன காரணம். ?

ஒரு மனித உரிமையாளரை அங்கீகரிக்கவும், கௌரவிக்கவும் ஏகமனதாக தீர்மானம் நிறைவேற்றிய என்.டி.பி கட்சியினது மாநாட்டு அரங்கில், ஒட்டு மொத்த ஈழத்தமிழர்களின் இனப் படுகொலையைக் கண்டிக்கும் தீர்மானத்தை ஏன் நிறைவேற்றவில்லை? என்பதும்,  ஆகக் குறைந்தது சீக்கிய இனத்திற்கு நிகழ்ந்த மனிதவுரிமை மீறல்களுடன் தொடர்புபடுத்தியாவது எம் மக்கள் மீதான இனப்படுகொலை எள்ளளவேனும் பேசப்படாமல் கூட விடப்பட்டதற்கான காரணம் என்ன? என்பது ஒட்டு மொத்தத் தமிழர்களின் ஆதங்கமாக உள்ளது.

இது ஒருபுறமிருக்க மாநாட்டில் கலந்து கொண்ட தமிழ் மக்களால் தெரிவு செய்யப்பட்ட  பாராளுமன்ற உறுப்பினரான 'ராதிகா சிற்சபை ஈசன்' அங்கு என்ன செய்து  கொண்டிருந்தார் என்பதும் தற்போது எழுப்பப்படும் முக்கிய கேள்விகளில் ஒன்றாக இருக்கிறது.

இத்தீர்மானத்தை முன்னுரிமைப்படுத்துவதில் தவறிழைத்து  மெத்தனப் போக்குடன் செயல்பட்டதுடன் அக்கறை காட்டாமல் இருந்து விட்டார் என தமிழ் மக்களின் ஆதரவுடன் தேர்ந்தெடுக்கப்பட்ட பாராளுமன்ற உறுப்பினரான 'ராதிகா சிற்சபை ஈசன்'  மீது பாரிய விமர்சனங்கள் முன் வைக்கப்படுகின்றன.

முதலாவது தமிழ் பாராளுமன்ற உறுப்பினரை தமிழ் சமூகம் தெரிவாக்கியதிலிருந்து தொடர்ந்துவரும் தேர்தலகளைச் சந்திக்க தயாராகிவரும் கனடியத் தமிழர்கள், தமிழ் மக்களின் நலன்களை முன்னிறுத்துவோம் என்பது வெறுமனே இலங்கை, இந்தியா போன்ற நாடுகளில் நடக்கும் கூத்தா என்கின்ற கேள்விகள் எழுந்துள்ளது மட்டுமல்லாமல்,   மக்கள் பிரதிநிதிகளாக நியமிக்கப்பட்டுப் பதவிக்கு வந்தவர்கள் இப்படியான விடயங்களுக்கு பொறுப்புக் கூற வேண்டியவர்களா, இல்லையா என்பது இன்று கனடிய தமிழ் மக்கள் முன் எழுந்துள்ள விவாதமாகின்றது.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Tuesday, 30-06-2015, 09:28.57 AM ]
சென்னை ஆர்.கே. நகர் இடைத்தேர்தலில் அதிமுக வேட்பாளராக போட்டியிட்ட முதல்வர் ஜெயலலிதா அமோக வெற்றி பெற்றுள்ளார்.
[ Tuesday, 30-06-2015, 09:13.37 AM ]
குற்றம் சுமத்திய தரப்பினருடன் இணைந்து கொள்ள ஜனாதிபதிக்கு வெட்கமில்லையா என ஊவா மாகாண முதலமைச்சர் ஹரின் பெர்னாண்டோ கேள்வி எழுப்பியுள்ளார்.
[ Tuesday, 30-06-2015, 09:10.13 AM ]
முன்னாள் ஜனாதிபதி மஹிந்த ராஜபக்சவுக்கு நெருங்கிய தரப்பினரால் ஐக்கிய மக்கள் சுதந்திர கூட்டணி அதிகாரத்தை கைப்பற்றிக் கொள்வதற்கான செயற்பாடுகள் தற்போது வரையில் ஆரம்பிக்கப்பட்டுள்ளதாக தகவல் வெளியாகியுள்ளது.
[ Tuesday, 30-06-2015, 08:25.18 AM ]
கடந்த 18ம் திகதி கொடியேற்றத்துடன் ஆரம்பமான மஹோற்சவ திருவிழாவில் கடந்த 21ம் திகதி ஞாயிற்றுக்கிழமை இரவு முத்துச் சப்பறமும், 27ம் திகதி பகல் விசேட கருட சர்ப்ப பூசையும் வாயு பட்சணி நாகம் வீதியுலாவும் இடம்பெற்று 29ம் திகதி இரவு சப்பறத் திருவிழா நடைபெற்றது.
[ Tuesday, 30-06-2015, 08:21.42 AM ]
ஐக்கிய மக்கள் சுதந்திர கூட்டணியின் பொதுச் செயலாளர் சுசில் பிரேமஜயந்த, சுதந்திர கட்சியின் பொதுச் செயலாளர் அநுர பிரியதர்ஷன யாப்பா மற்றும் நிமல் சிறிபால டி சில்வா ஆகியோர் முன்னாள் ஜனாதிபதி மஹிந்த ராஜபக்சவை சந்தித்துள்ளனர்.
[ Tuesday, 30-06-2015 06:50:17 GMT ]
ஜப்பான் நாட்டில் அதிவேகமாக செல்லும் ‘புல்லட்’ ரயிலுக்குள் வாலிபர் ஒருவர் தீக்குளித்த சம்பவத்தில் இரண்டு பேர் பலியாகியுள்ளதாக அதிர்ச்சி தகவல் வெளியாகியுள்ளது.
[ Tuesday, 30-06-2015 09:07:23 GMT ]
ஆர்.கே.நகர் இடைத்தேர்தல் நியாயமாக நடக்கவில்லை என்று தமிழக காங்கிரஸ் தலைவர் இளங்கோவன் குற்றம்சாட்டியுள்ளார்.
[ Tuesday, 30-06-2015 08:11:06 GMT ]
சென்னை சூப்பர் கிங்ஸ் வீரர்களான ரெய்னா, ஜடேஜா, பிராவோ ஆகியோர் மீது லலித் மோடி குற்றம் சாட்டியதால் அவர்கள் தொடர்ந்து விளையாட தடை விதிக்கப்படலாம் என்று கூறப்பட்டது.
[ Monday, 29-06-2015 14:54:20 GMT ]
நல்லெண்ணெய் குளிர்ச்சி தருவதோடு மட்டுமல்லாமல் பல்வேறு ஆரோக்கியங்களை வழங்குகிறது.
Advertisements
நாளாந்தம் மின்னஞ்சலில் செய்திகளை பெற
[ Monday, 29-06-2015 07:05:40 ] []
செப்டம்பரில் ஜெனிவாவில் நடக்க இருக்கும், ஐ.நா. மனித உரிமைகள் பேரவையின் 29வது கூட்டத் தொடர் தொடர்பான நடவடிக்கைகள் இப்போதே சூடுபிடிக்கத் தொடங்கிவிட்டன.