செய்தி
 Photo
முஸ்லிம்களைக் குறிவைக்கும் சிங்களவர்கள்! மீண்டும் வருகிறதா போர்?
[ புதன்கிழமை, 03 ஏப்ரல் 2013, 01:53.34 AM GMT ] [ விகடன் ]

சிங்கள இனவாதம் மீண்டும் ஓர் உயிர் அழிப்புப் போருக்குத் தயாராகி வருகிறது. அதற்கு, எஞ்சியுள்ள தமிழர்களோடு குறிவைக்கப்பட்டுள்ளவர்கள் முஸ்லிம்கள் என்று அதிர வைக்கிறார் ஈழத்தில் உள்ள பத்திரிகையாளர் ஒருவர்.

இதுபற்றி நம்மிடம் விரிவாகப் பேசியவர்கள்,

இலங்கையில் 2012-ம் ஆண்டு தம்புள்ள, அநுராதபுரம், குருநாகல், தெதுறுஓயா, ராஜகிரிய ஒபேசேகரபுர, தெஹிவளை ஆகிய பள்ளி​வாசல்கள் மீது தாக்குதல் நடத்தப்பட்டன.

இந்த வருடம் 'ஹலால்’ முறையைத் தடைசெய்ய வேண்டும் என்று, சிங்கள புத்த பிக்குகள் முஸ்லிம்கள் மீதானத் தாக்குதலைத் தொடங்கினர்.

ஏப்ரல் 14-ம் தேதி வரவிருக்கும் சிங்களப் புது வருடத்துக்கு 'முஸ்லிம்கள் கடைகளில் துணிகளையும் பொருட்களையும் வாங்குவதை சிங்களவர்கள் தவிர்க்கவேண்டும்’ என, புத்த பிக்குகள் சொல்லிவந்த நிலையில், கடந்த 28-ம் தேதி இரவு பெப்பிலியான பகுதியில் உள்ள 'பேஷன் பக்’ என்ற முஸ்லிம் கடைக்குள் புகுந்து புத்த பிக்குகள் தாக்கியுள்ளனர்.

இந்தத் தாக்குதலில் பத்திரிகையாளர்கள் சிலரும் காயமடைந்துள்ளனர். அந்தக் காட்சிகள் கடையில் இருந்த கமராவில் பதிவாகியுள்ளன. ஆனால், அந்தப் பதிவு எந்தவொரு தொலைக்​காட்சிக்கோ, பத்திரிகைக்கோ செல்லக் கூடாது என்று அரசு எச்சரித்​துள்ளது.

மகிந்த ராஜபக்ச அரசு எப்படியான இனவாதத் தீயைப் பற்றவைத்து வருகிறது என்பதை அரசாங்கத்தோடு ஒன்றியுள்ள முஸ்லிம் அமைச்சரான ஹக்கீமின் பேச்சு உறுதிப்படுத்துகிறது.

அண்மையில் அவர் பேசும்போது, 'பாதுகாப்புச் செயலாளர் கோத்தபாய ராஜபக்ச இனவாதத்தைத் தூண்டும் விதமாக, பொது பல சேனாவின் நிகழ்ச்சிகளில் பங்கேற்பதன் மூலம் அவர்கள் நடவடிக்கைகளை ஊக்குவிக்கிறார்’ என்று குறிப்பிட்டுள்ளார்.

ஆனால் பொது பல சேனாவோ, 'புத்த பிக்குகளின் இந்த இனவெறி மிகுந்த தாக்குதல்களுக்குப் புலம்பெயர்ந்துள்ள தமிழர்களும் இலங்கையில் உள்ள முஸ்லிம்களும்தான் காரணம்’ என்று குற்றம் சாட்டுகிறது.

கடந்த வாரம், கிளிநொச்சி கந்தசாமி கோயில் எதிரே உள்ள சிறீதரன் எம்.பி. அலுவலகத்தில் தமிழ்த் தேசியக் கூட்டமைப்பினரின் கூட்டம் நடந்தது. அதில் புகுந்து சிலர் தாக்குதல் நடத்தியுள்ளனர்.

தாக்குதல் நடத்தியவர்களை மக்களே பிடித்து பொலிஸாரிடம் ஒப்படைத்துள்ளனர். ஆனால், அவர்களைப் பொலிஸார் விடுவித்துவிட்டு, தமிழ்த் தேசியக் கூட்டமைப்பினரிடம் என்ன நடந்தது என்று விசாரிக்க வந்துள்ளனர்.

இந்த அலுவலகத்துக்கு மிக அருகில் சிங்கள இராணுவத்தின் படைத் தலைமையகம் இருந்தும் தாக்குதல் நடக்கிறது என்றால், அவர்கள் இராணுவத்துக்கும் அரசாங்கத்துக்கும் உரிய ஆட்கள்தான்'' என்கிறார்கள்.

செப்டம்பர் மாதம் வடமாகாணத் தேர்தலை நடத்த வேண்டும் என பல நாடுகள் இலங்கையிடம் சொல்கிறது. ஆனால், இலங்கை அரசோ இப்படியான தாக்குதல்களைத் தொடுத்தால், இன்னும் தமிழ்ப் பகுதிகளில் பதற்றமான சூழ்நிலை நிலவுகிறது என்று கூறி தேர்தலை நடத்த விடாமல் செய்யலாம் என்று நினைக்கிறது.

இப்படி ஜெனிவாவின் மனித உரிமைக் கூட்டத்தொடரின் போதும், அதன் பிறகும் அரசுக்கு ஆதரவான செயல்களும், அரசின் துணைகொண்டு நடக்கும் தாக்குதல்களும் ஏராளம்.

இலங்கை அரசுடனான உறவைப் பாதுகாக்கத் தமிழகத்தில் நடந்துவரும் போராட்டங்களை இந்திய அரசு ஒடுக்க வேண்டும் என்று, புத்த குழுக்கள் பேசுகின்றன.

தமிழகத்திலிருந்து இலங்கை வந்துள்ள அனைவரையும் நாடுகடத்த வேண்டும் என்று ஜாதிக ஹெல உறுமய கட்சியின் தலைவர் ஒமல்பே சோபித தேரர் பேசியது கொந்தளிப்பைக் அதிகரித்து இருக்கிறது.

ராஜபக்சவோ, ''போர்க் குற்றத்துக்கு இலங்கை அரசுக்கும் இராணுவத்துக்கும் தண்டனை கொடுத்து என்ன செய்யப் போகிறீர்கள்? என்கிறார்.

ஐ.நா-வும் உலக நாடுகளும் வெறும் தீர்மானத்தில் இலங்கையை எச்சரித்துக் கொண்டிருந்தால், முஸ்லிம்களை அழிப்பதற்கான இன்னொரு போர் மீண்டும் வெடிப்பதை உலகமே நினைத்தாலும் தடுக்க முடியாது.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Monday, 31-08-2015, 10:14.32 AM ]
இலங்கையின் 8 வது பாராளுமன்ற அமர்விற்கான சகல ஏற்பாடுகளும் பூர்த்தி செய்யப்பட்டுள்ளதாக பாராளுமன்ற செயலாளர், தம்மிக தசநாயக்க தெரிவித்துள்ளார்.
[ Monday, 31-08-2015, 10:03.10 AM ]
வவுனியா பொலிஸ் நிலையத்தில் கடமையில் ஈடுபட்டிருந்த பொலிஸ் சார்ஜென்ட் ஒருவர் கடந்த 4 நாட்களாக காணமல் போயுள்ளார்.
[ Monday, 31-08-2015, 09:49.39 AM ]
கொகாகோலா நிறுவனத்திற்கு தற்காலிக அடிப்படையில் மன்னிப்பு வழங்கப்பட்டுள்ளது.
[ Monday, 31-08-2015, 09:47.07 AM ]
இந்திய கடலோரக் காவல் படைக்கு சொந்தமான ஐ.சி.ஜி. வராஹா என்ற போர்க்கப்பலை, சிங்கள  கடற்படைக்கு  இந்தியா  இலவசமாக வழங்கியமையானது, ஈழத்து தமிழர்களுக்கும், தமிழக மீனவர்களுக்கும் செய்த துரோகம் என ம.தி.மு.க. வின் பொதுச்செயலாளர் வைகோ தெரிவித்துள்ளார்.
[ Monday, 31-08-2015, 09:07.44 AM ]
நாடாளுமன்றத் தேர்தலில் தெரிவு செய்யப்பட்டவர்கள் தொடர்ந்தும் கதிர்காமத்திற்கு சென்று நேர்த்தி கடனை செலுத்தி விட்டு காணிக்கை கட்டி வருவதாக தெரியவருகிறது.
[ Monday, 31-08-2015 00:19:23 GMT ]
மேற்கு ஆப்பிரிக்காவில் இறந்துபோன இரட்டையர் குழந்தைகளுக்கு உருவபொம்மை செய்து அதை குழந்தையாக பாவிக்கும் செயல் ஆச்சரியத்தை ஏற்படுத்தியுள்ளது.
[ Monday, 31-08-2015 08:27:48 GMT ]
பேஸ்புக் சி.ஓ.ஓ. ஷெரில் சாண்ட்பெர்க் 19 வயது இந்திய மாணவன் ஹர்ஷ் சோங்க்ரா என்பவரை அவரது கண்டுபிடிப்புக்காக பாராட்டியுள்ளார்.
[ Monday, 31-08-2015 08:07:35 GMT ]
வேலைக்காரப் பெண் போதைப் பழக்கத்திற்கு அடிமையானவர் என்று கிரிக்கெட் வீரர் காம்ப்ளி தன் மீது சுமத்தப்பட்டிருக்கும் குற்றச்சாட்டை மறுத்துள்ளார்.
[ Monday, 31-08-2015 08:25:03 GMT ]
பல ஆளுமை கோளாறு (Multiple Personality Disorder) நோய் என்பது இரண்டு அல்லது அதற்கு மேற்பட்ட ஆளுமை திறன்கள் மாறி மாறி வந்து மனிதனை ஆட்கொள்வதே ஆகும்.
Advertisements
நாளாந்தம் மின்னஞ்சலில் செய்திகளை பெற
[ Sunday, 30-08-2015 06:43:52 ]
ஊடகவியலாளர் பிரகீத் எக்னெலிகொட ஐந்து ஆண்டுகளுக்கு முன்னர் கடத்திச் செல்லப்பட்டு, காணாமற்போகச் செய்யப்பட்ட சம்பவம் தொடர்பான விசாரணைகள் இப்போது தீவிரம் பெற்றிருக்கின்றன.