International
Notification
Notification
Submit Cancel

கிளிநொச்சி உதயன் பத்திரிகை அலுவலகம் மீது தாக்குதல்!- பா.உ சரவணபவன், சி.சிறீதரன் நேரில் சென்று பார்வை

கிளிநொச்சி உதயன் பணிமனை மீதும் பணியாளர்கள் மீதும் காட்டு மிராண்டிகளின் தாக்குதல்கள் இடம்பெற்றுள்ளன. இதில் மூன்று பேர் படுகாயம் உட்பட நான்குக்கு மேற்பட்டோர் காயமடைந்துள்ளனர்.

சம்பவ இடத்திற்கு பாராளுமன்ற உறுப்பினர்களான ஈ.சரவணபவன், சி.சிறீதரன் ஆகியோர் நேரில் சென்று நிலைமைகளை ஆராய்ந்துள்ளனர்.

கிளிநொச்சி பொலிசாரும் சம்பவம் தொடர்பில் விசாரணைகளை மேற்கொண்டு வருகின்றனர். காயப்பட்டுள்ளவர்கள் கிளிநொச்சி பொது மருத்துவமனையில் அனுமதிக்கப்பட்டுள்ளார்கள்.

தமிழ்த் தேசியக் கூட்டமைப்பு கிளிநொச்சி அலுவலகம் மீது தாக்குதல் இடம் பெற்று ஐந்தாவது நாள் அதிகாலை ஏழு பேர் கொண்ட குழுவினரால் முகத்தை மூடிக்கட்டிக் கொண்டு அலுவலகத்துள் புகுந்து மோசமான முறையில் தாக்குதல்கள் இடம் பெற்றுள்ளன.

இத்தாக்குதல்களால் கிளிநொச்சி பகுதி மக்கள் மத்தியிலும் அச்சமும், பதட்டமும் நிலவுகின்றமையும் குறிப்பிடத்தக்கதாகும்.

தாக்குதல்கள் தொடருகின்ற போதிலும் தாக்குதலாளிகள் எவரும் கைது செய்யப்பட்டு உரிய நடவடிக்கை எடுக்கப்படாமல் இருப்பது தாக்குதலாளிகளுக்கு துணிவை ஏற்படுத்துவதாக அமைகின்றது.

advertisement