International
Notification
Notification
Submit Cancel

கோல்டன் கீ வைப்பாளர்களின் பணத்தை உடனடியாக செலுத்துமாறு உத்தரவு

கோல்டன் கீ வைப்பாளர்களின் பணத்தை உடனடியாக செலத்துமாறு உச்ச நீதிமன்றம் உத்தரவிட்டுள்ளது.

செலிங்கோ குழும நிறுவனத்தின் கோல்டன் கீ நிறுவனம் வங்குரோத்து நிலையை அடைந்ததன் காரணமாக அதில் பணத்தை முதலீடு  செய்த பெரும் எண்ணிக்கையான வைப்பாளர்கள் பாதிக்கப்பட்டுள்ளனர்.

பணிப்பாளர் சபையின் சொத்துக்களை விற்பனை செய்து அந்தப் பணத்தைப் பயன்படுத்தி, பாதிக்கப்பட்டோருக்கு நவாரணம் வழங்குமாறு மத்திய வங்கிக்கு உத்தரவிடப்பட்டுள்ளது.

குறிப்பாக செலிங்கோ குழும நிறுவனத்தின் முன்னாள் தலைவர் லலித் கொதலாவல மற்றும் அவரது மனைவியின் சகல சொத்துக்களையும் முடக்குமாறு உத்தரவிடப்பட்டுள்ளது.

2008ம் ஆண்டு ஜூன் மாதம் கோல்டன் கீ நிறுவனம் வங்குரோத்து நிலையை அடைந்தது.

குறித்த நிறுவனம் வங்குரோத்து அடைவதற்கு ஆறு மாதங்களுக்கு முன்னர் இருந்து அந்த நிறுவனத்தின் பணிப்பாளர் சபைக்கு சொந்தமான சகல சொத்துக்களையும் முடக்கி, பாதிக்கப்பட்டோருக்கு நலன்களை வழங்குமாறு கோரப்பட்டுள்ளது.

கோல்டன் கீ நிறுவனத்தில் ஒன்பது பணிப்பாளர்கள் அங்கம் வகிக்கின்றமை குறிப்பிடத்தக்கது.

கோல்டன் கீ நிறுவனத்திற்கு புதிய பணிப்பாளர்களை நியமித்து மீண்டும் வர்த்தக நடவடிக்கைகளை மேற்கொள்ளுமாறும் நீதிமன்றம் மத்திய வங்கிக்கு உத்தரவிட்டுள்ளது.

கோல்டன் கீ நிறுவனத்தில் வைப்புச் செய்தவர்களின் மொத்தப் பணப் பெறுமதி 9179 மில்லியன் ரூபா என்பது குறிப்பிடத்தக்கது.