International
Notification
Notification
Submit Cancel

பொதுநலவாய நாடுகளின் மாநாட்டில் கலந்து கொண்ட தலைவர்களுக்கு தலா 70 கோடி ரூபா செலவிடப்பட்டுள்ளது: திஸ்ஸ அத்தநாயக்க

இலங்கையில் நடைபெற்ற 23வது பொதுநலவாய நாடுகளின் மாநாட்டில் 54 உறுப்பு நாடுகளில் 21 நாடுகள் மட்டுமே கலந்து கொண்டதாக ஐக்கிய தேசியக் கட்சியின் பொதுச் செயலாளர் திஸ்ஸ அத்தநாயக்க தெரிவித்தார்.

கொழும்பில் நடைபெற்ற ஊடகவியலாளர் சந்திப்பொன்றில் அவர் இதனை கூறினார். அவர் மேலும் தெரிவிக்கையில்,

இந்த மாநாட்டுக்கு 14 பில்லியன் ரூபாவை (1400 கோடி ரூபா)  அரசாங்கம் செலவு செய்துள்ளது.

21 நாடுகளே மாநாட்டில் கலந்து கொண்டனர். இதனடிப்படையில் பார்த்தால் ஒரு தலைவருக்கு தலா 70 கோடி ரூபாவுக்கும் மேலான பணத்தை அரசாங்கம் செலவிடப்பட்டுள்ளது.

பிரித்தானிய இளவரசர் சார்ள்ஸின் பிறந்த தினத்தை முன்னிட்டு வெட்டப்பட்ட கேக்கின் விலை என்ன என்பதை அறிந்து கொள்ளும் தேவை மக்களுக்கு உள்ளது.

நான் முன்வைத்த இந்த புள்ளிவிபரங்கள் தவறாக இருந்தால் சரியான புள்ளி விபரங்களை நாடாளுமன்றத்தில் தாக்கல் செய்யுமாறு அரசாங்கத்திடம் கோரிக்கை விடுக்கின்றேன் என்றார்.

நாட்டை சர்வதேச குற்றவியல் நீதிமன்றத்திற்கு கொண்டு செல்லும் வழியை மகிந்த ராஜபக்ஷ அரசாங்கம் திறந்து விட்டுள்ளதாக ஐக்கிய தேசியக் கட்சியின் பொதுச் செயலாளர் திஸ்ஸ அத்தநாயக்க குற்றம் சுமத்தினார்.

கொழு்பில் இன்று நடைபெற்ற ஊடகவியலாளர் சந்திப்பில் அவர் மேலும் தெரிவிக்கையில்,

இலங்கையின் பிரதமராக இருந்த ரணில் விக்ரமசிங்க ரோம் உடன்பாட்டில் கைச்சாத்திடவில்லை என்பதால் இலங்கையை சர்வதேச குற்றவியல் நீதிமன்றத்திற்கு கொண்டு செல்லும் சந்தர்ப்பம் தடுக்கப்பட்டது.

மகிந்த அரசு நாட்டை சர்வதேச நீதிமன்றத்திற்கு கொண்டு செல்லும் வழியை திறந்தது - அத்தநாயக்க

எனினும் பொதுநலவாய மாநாட்டின் முடிவில் காணப்பட்ட உடன்பாடுகளின் அடிப்படையில் மகிந்த ராஜபக்ஷ அரசாங்கம் இலங்கையை மனித உரிமை மீறல் குற்றச்சாட்டு தொடர்பில் சர்வதேச நீதிமன்ற விசாரணைகளுக்கான பாதையை திறந்துள்ளது.

பொதுநலவாய நாடுகளின் மாநாட்டில் காணப்பட்ட இணக்கப்பாடுகளின் அடிப்படையில் அரசாங்கம் நாட்டுக்கு இந்த நிலைமையை ஏற்படுத்தி கொடுத்துள்ளது.

இதன் காரணமாக கற்றுக்கொண்ட பாடங்கள் மற்றும் நல்லிணக்க ஆணைக்குழுவின் பரிந்துரைகளை அமுல்படுத்துமாறு ஐக்கிய தேசியக் கட்சி தொடர்ந்தும் வலியுறுத்தி வந்தது.

ஆணைக்குழுவின் பரிந்துரைகளை அமுல்படுத்தியிருந்தால் இப்படியான சர்வதேச அழுத்தங்களை இலங்கை எதிர்நோக்கியிருக்காது என்றார்.

advertisement