ஆடை உற்பத்தி தொழில்துறைக்கான ஜிஎஸ்பி பிளஸ் வரிச்சலுகையை வழங்குவதா? இல்லையா? என்பது தொடர்பாகவே இந்த மனித உரிமை மீறல் தொடர்பான விளக்கம் இலங்கையிடம் கோரப்பட்டிருந்தது.

இந்தநிலையில் தாம் ஐரோப்பிய ஒன்றியம் எழுப்பியிருந்த கேள்விக்கு உரிய பதில்களை வழங்கியுள்ளதாக மனித உரிமைகள் துறை அமைச்சர் மஹிந்த சமரசிங்க தெரிவித்துள்ளார்.

அதேநேரம் ஐரோப்பிய ஒன்றியத்துடன் தாம் தொடர்ந்தும் பேச்சு நடத்தி வருவதாகவும் அவர் குறிப்பிட்டுள்ளார். இதனடிப்படையில் இலங்கைக்கு ஜிஎஸ்பி வரிச்சலுகையை பெற்றுக்கொள்ளமுடியும் என்றும் அவர் நம்பிக்கை வெளியிட்டுள்ளார்.

இதனையடுத்து இலங்கையின் பதிலை தாம் பெற்றுக்கொண்டதாக தெரிவித்துள்ள இலங்கைக்கான ஐரோப்பிய ஒன்றியத் தூதுவர் பேனாட் சேவேஜ், வரிச்சலுகை தொடர்பில் ஐரோப்பிய ஒன்றியம் இந்த மாத இறுதியில் தீர்மானத்தை எடுக்கும் என நம்பிக்கை வெளியிட்டுள்ளார்.

நம்பிக்கையான தரப்புகளின் தகவல்படி, இலங்கை அரசாங்கம், ஐரோப்பிய ஒன்றியத்தின் குற்றச்சாட்டுக்களை ஏற்றுக்கொண்டு அதற்கான உரிய விசாரணைகளை மேற்கொள்வதாக தமது அறிக்கையில் உறுதியளித்துள்ளதாக தெரிவிக்கப்படுகிறது.