கடந்த இரண்டு மாதங்களாக இவர்கள் இந்த துறைமுகத்தில் கப்பலில் இருந்து இறங்க மறுத்தநிலையில் தரித்துள்ளனர். இந்தக்கப்பலில் 31 சிறுவர்களும் உள்ளடங்கியுள்ளனர். 

இவர்களின் சுகாதார நலன்களும் பாதிக்கப்பட்டுள்ளதாக தெரிவிக்கப்பட்டுள்ளது. இந்தநிலையில், ஓசியானிக் வைக்கிங் கப்பலில் உள்ளவர்கள் மீள்குடியேற்றப்படுகின்றமையை போன்று தாமும் மீள்குடியேற்றப்படவேண்டும் என அகதிகளின் பேச்சாளரான அலெக்ஸ் எனப்படும் சஞ்சீவ் குணேந்திரராஜா கோரியுள்ளார்.

மெரக் துறைமுகத்தில் தரித்துள்ள கப்பலில் இருந்த ஒருவர் தனது தாயாருக்கு சுகவீனம் என்ற காரணத்தினால் இலங்கைக்கு சென்ற போது அங்கு விமான நிலையத்தில் வைத்து கைது செய்யப்பட்டு  சிறைச்சாலையில்  தடுத்து வைக்கப்பட்டுள்ளதாக அலெக்ஸ் சுட்டிக்காட்டியுள்ளார்.

இந்தநிலையில் இலங்கையில் உள்ள நிலைமையை கருத்திற்கொண்டு தம்மை ஏதாவது ஒரு நாட்டில் மீள்குடியேற்ற இந்தோனேசிய அதிகாரிகள் முன்வரவேண்டும் என அவர் வேண்டுகோள் விடுத்துள்ளார்.