குறித்த இலங்கைப் பணியாளர்களை விடுதலை செய்வதற்கு செலுத்தப்பட வேண்டிய கப்பப் பணம் குறித்து சோமாலிய கடற் கொள்ளையர்களிடம் இணக்கம் காணப்பட்டுள்ளது.

சவுதி அரேபிய கப்பல் நிறுவனமும் காப்புறுதி நிறுவனமும் கடற்கொள்ளையர்களிடம் வெற்றிகரமாக பேச்சுவார்த்தை நடத்தியுள்ளதாக வெளிவிவகார அமைச்சு தெரிவித்துள்ளது.

எவ்வாறெனினும் குறித்த இலங்கைப் பணியாளர்களை விடுதலை செய்வதற்கு இன்னமும் இரண்டு மாத காலம் தேவைப்படும் என வெளிவிவகார அமைச்சு உயரதிகாரியொருவர் குறிப்பிட்டுள்ளார்.

கடத்திச் செல்லப்பட்ட 13 இலங்கைப் பணியாளர்களில் 8 பேர் கொழும்பைச் சேர்ந்தவர்கள் எனவும் ஏனையவர்கள் யாழ்ப்பாணத்தைச் சேர்ந்தவர்கள் எனவும் குறிப்பிடப்படுகிறது.