கிளிநொச்சி ஊடகவியலாளர்களின் தொழில் திறன் விருத்திக்கான பயிற்சிகள்

Report Print Suman Suman in சமூகம்
22Shares

கிளிநொச்சியில் முழுநேரம் மற்றும் பகுதிநேரமாக ஊடகத்தொழில் ஈடுப்பட்டு வரும் ஊடகவியலாளர்களின் தொழில் திறன்விருத்தியை மேலும் அதிகரிக்கும் நோக்கில் பயிற்சிகள் மேற்கொள்ளப்படவுள்ளது என கிளிநொச்சி ஊடக அமையத்தின் தலைவர் க.திருலோகமூர்த்தி தெரிவித்துள்ளார்.

கிளிநொச்சியில் நேற்று இடம்பெற்ற கிளிநொச்சி ஊடக அமையத்தின் இருபது ஊடகவியலாளர்கள் கலந்து கொண்ட கூட்டத்தின் போதே அவர் இதனை குறிப்பிட்டுள்ளார்.

இதன்போது அவர் தொடர்ந்தும் தெரிவிக்கையில்,

கிளிநொச்சியில் கடந்த நான்கு வருடங்களாக முழுநேர மற்றும் பகுதிநேர ஊடக தொழிலில் ஈடுபட்டு வருகின்ற ஊடகவியலாளர்களை உள்ளடக்கி, கிளிநொச்சி ஊடக அமையம் தனது செயற்பாடுகளின் வரிசையில் இதனை மேற்கொள்ளவுள்ளது.

இந்த பயிற்சிகள் துறைசார் வல்லுநர்கள் மூலம் மேற்கொள்ளப்படும் எனவும், பயிற்சிக்கு தனியே ஊடகவியலாளர்கள் மட்டுமன்றி ஊடகவியலை ஒரு பாடமாக கற்றுவரும் பாடசாலை மாணவர்களையும் இணைத்துக்கொள்வது பற்றியும் உரிய தரப்பினர்களுடன் பேசி நடவடிக்கைகள் மேற்கொள்ளப்படும்.

மேலும், சட்டத்துறை, ஊடகத்துறை, புகைப்படத்துறை உள்ளிட்ட பல துறைகளில் சிறப்பு தேர்ச்சிமிக்கவர்கள் மூலம் பயிற்சிகள் நடத்தப்படும் எனவும் அவர் குறிப்பிட்டார்.

Comments