பொலிஸாருக்கும்,குற்றவாளிகளுக்கும் இடையில் நெருங்கிய தொடர்பு!

Report Print Gokulan Gokulan in சமூகம்

பொலிஸாருக்கு தகவல் வழங்கிய நபரை குற்றவாளியே தொலைபேசியில் தொடர்பு கொண்டு எச்சரிக்கை செய்யும் நிலையில் யாழ். பொலிஸாருடைய நம்பகத்தன்மை உள்ளது என ஈ.பி.டி.பி கட்சியின் யாழ்.மாநகர சபை உறுப்பினரும், பிரபல சட்டத்தரணியுமான மு.ரெமீடியஸ் தெரிவித்துள்ளார்.

யாழ்.மாநகர சபையில் நேற்று இடம்பெற்ற அமர்வின் பேசிய அவர், குற்றங்களை தடுக்க விசேட பொலிஸ் காவலரண் அமைப்பது தொடர்பில் சபையில் பேசப்பட்ட போதே மேற்கண்டவாறு குற்றம் சுமத்தியுள்ளார்.

இதன்போது தொடர்ந்தும் பேசிய அவர்,

யாழ்.கரையோரப் பகுதியில் அளவுக்கு அதிகமாக நடைபெறும் மணல் அகழ்வு தொடர்பில் பொலிஸாருக்கு தகவல் வழங்கினால் அத்தகவல் தொடர்பில் பொலிஸார் இரகசியம் பேணுவதும் இல்லை, அக் குற்றத்தை தடுக்க நடவடிக்கை எடுப்பதிலும் மந்த நிலையை கடைப்பிடிக்கின்றார்கள்.

குறிப்பாக அண்மையில் யாழ்ப்பாணத்தில் சட்டவிரோத மணல் கடத்தல் தொடர்பில் பொலிஸாருக்கு தகவல் வழங்கிய நபர் ஒருவருக்கு அந்த மணல் கடத்தலில் ஈடுபட்டவரே தொலைபேசியில் அழைத்து அச்சுறுத்தல் விடுத்த சம்பவமொன்று பதிவாகியுள்ளது.

எனவே பொலிஸாருக்கும், குற்றங்களில் ஈடுபடுபவர்களுக்கும் தொடர்பு உள்ளது என்பது வெளிப்படையாக தெரிகின்றது எனவும் குற்றம் சுமத்தியுள்ளார்.

Latest Offers