14 வயது காதலியை பெற்றோர்களுக்கு தெரியாமல் அழைத்துச் சென்ற காதலன் விளக்கமறியலில்

Report Print Mubarak in சமூகம்

திருகோணமலை குச்சவெளி பகுதியில் பதினான்கு வயதுடைய சிறுமியை ஒரு வருடமாக காதலித்து பெற்றோர்களுக்கு தெரியாமல் அழைத்துச் சென்ற காதலனை இம்மாதம் 27 ஆம் திகதி வரை விளக்கமறியலில் வைக்குமாறு திருகோணமலை நீதிமன்ற நீதிவான் சமிலா குமாரி ரத்நாயக்க இன்று உத்தரவிட்டார்.

மூன்றாம் வட்டாரம், கும்புறுப்பிட்டி, திருகோணமலை பகுதியைச் சேர்ந்த 25வயதுடைய ஒருவரே விளக்கமறியலில் வைக்கப்பட்டுள்ளர்.

சந்தேக நபர் பதினான்கு வயதுடைய சிறுமியை ஒரு வருடமாக காதலித்து பெற்றோர்களுக்கு தெரியாமல் சிறுமியை நண்பர் ஒருவரின் வீட்டுக்கு அழைத்துச் சென்றுள்ளார்.

இந்த நிலையிலே சிறுமியின் பெற்றோர் சந்தேக நபர் தொடர்பாக குச்சவெளி பொலிஸ் நிலையத்தில் மேற்கொண்ட முறைப்பாட்டுக்கு அமைய குறித்த நபரைக் கைது செய்த பொலிஸார் திருகோணமலை நீதிமன்ற நீதிவான் முன்னிலையில் வாசஸ்தலத்தில் ஆஜர்படுத்திய போதே விளக்கமறியலில் வைக்குமாறு நீதிவான் உத்தரவிட்டார்.

Latest Offers