கிளிநொச்சியில் வாள்வெட்டு தாக்குதல்! நால்வர் வைத்தியசாலையில் அனுமதி

Report Print Yathu in சமூகம்

கிளிநொச்சி கல்லாறுப் பகுதியில் இரு குழுக்களுக்கிடையில் இடம்பெற்ற வாள் வெட்டுச் சம்பவத்தில் நான்கு பேர் காயமடைந்து கிளிநொச்சி பொது வைத்தியசாலையில் அனுமதிக்கப்பட்டுள்ளனர்.

கிளிநொச்சி கல்லாறுப் பகுதியில் நேற்று இரவு இரண்டு குழுக்களுக்கிடையில் ஏற்பட்ட மோதலையடுத்து, இடம்பெற்ற வாள் வெட்டுச் சம்பவத்தில் நான்கு பேர் காயமடைந்துள்ளனர்.

காயமடைந்த நால்வரும் தர்மபுரம் வைத்தியசாலைக்கு அனுமதிக்கப்பட்டு மேலதிக சிகிச்சைகளுக்காக கிளிநொச்சி பொது வைத்தியசாலைக்கு மாற்றப்பட்டுள்ளனர்.

இச்சம்பவத்தின் போது கந்தையா கருணானந்தன், கந்தையா இரத்தினசிங்கம், கருணானந்தன் குலோசன், செல்லா கிருசன், ஆகிய நால்வருமே காயமடைந்துள்ளனர்.

இதேவேளை இச்சம்பவம் தொடர்பில் ஒருவரை மாத்திரமே தர்மபுரம் பொலிசார் கைது செய்துள்ளதாகவும் இச்சம்பவத்தில் பொலிஸார் ஏனைய சந்தேகநபர்களை கைது செய்வதில் பாரபட்சம் காட்டுவதாக தெரிவித்து பாதிக்கப்பட்டதரப்பினர், பிரதிப் பொலிஸ்மா அதிபர் அலுவலகத்தில் முறைப்பாடு செய்துள்ளதையடுத்து, குறித்த சம்பவம் தொடர்பான விசாரணைகள் தீவிரப்படுத்தப்பட்டுள்ளன.

Latest Offers