திருகோணமலையில் சிக்கிய பொக்கிஷங்கள்!

Report Print Steephen Steephen in சமூகம்

திருகோணமலை, குச்சவெளி பிரதேச செயலாளர் பிரிவில், வள்ளுவர் கோட்டம் வீடமைப்பு திட்டத்தின் இரண்டாம் கட்ட வீடமைப்பு பணியின் போது, ஆதி மனிதர்களின் நாகரிகத்துடன் கூடிய சில கல்லறைகள் கிடைத்துள்ளன. இதனையடுத்து நிர்மாணிப்பு பணிகளை நிறுத்த தொல்பொருள் திணைக்களம் நடவடிக்கை எடுத்துள்ளது.

3 ஆயிரம் ஆண்டுகளுக்கு மேல் பழமையான இந்த கல்லறைகளில் 12 கல்லறைகளின் எச்சங்கள் கிடைத்துள்ளன.

வீடுகளை நிர்மாணிக்கும் போது தெரியாமல் கல்லறைகளின் கற்கள் அப்புறப்படுத்தப்பட்டு ஓரிடத்தில் குவிக்கப்பட்டுள்ளதாக திருகோணமலை பிராந்திய தொல் பொருள் திணைக்கள பணிப்பாளர் சுமணதாச தெரிவித்துள்ளார்.

சில கல்லறைகளை புதையல் திருடர்கள் சேதப்படுத்தியுள்ளனர். சில கல்லறைகள் தற்போதும் பாதுகாப்பாக உள்ளன.

ஆதி மனிதர்களின் கல்லறைகள் திருகோணமலை மாவட்டத்தின் யாங்ஓயா, மகிந்தபுர போன்ற பிரதேசங்களில் கண்டுபிடிக்கப்பட்டன. வள்ளுவர் கோட்டம் பகுதியில் மூன்றாவதாக ஆதி மனிதர்களின் கல்லறை கண்டுபிடிக்கப்பட்டுள்ளது.

இப்படியான நிர்மாண பணிகளை மேற்கொள்ளும் போது தொல் பொருள் திணைக்களத்திடம் அறிக்கை பெற வேண்டும். எனினும் அந்த சட்ட வரம்பை மீறி இந்த வீடுகள் நிர்மாணிக்கப்பட்டுள்ளதாகவும் சுமணதாச குறிப்பிட்டுள்ளார்.

Latest Offers