இலங்கை கிரிக்கட் அணி மீது தீவிரவாத தாக்குதல்! பிரதமர் அலுவலகம் எச்சரிக்கை

Report Print Kamel Kamel in சமூகம்

இலங்கை கிரிக்கட் அணி மீது தீவிரவாத தாக்குதல் நடத்தக் கூடிய அபாயம் காணப்படுவதாக எச்சரிக்கை விடுக்கப்பட்டுள்ளது.

இலங்கை கிரிக்கட் அணி பாகிஸ்தானுக்கு கிரிக்கட் சுற்றுப் பயணமொன்றை மேற்கொள்ளவுள்ளது.

இவ்வாறு பாகிஸ்தான் செல்லும் இலங்கை கிரிக்கட் அணி மீது தீவிரவாத தாக்குதல் நடத்தப்படக் கூடிய சாத்தியங்கள் காணப்படுவதாக பிரதம அலுவலகத்திற்கு தகவல் கிடைக்கப் பெற்றுள்ளது.

இலங்கை அணியின் பாகிஸ்தான் கிரிக்கட் சுற்றுப் பயணத்திற்கான பாதுகாப்பு ஏற்பாடுகள் குறித்து மீள் மதிப்பீடு செய்யும் நடவடிக்கைகளுக்கு உதவுமாறு இலங்கை கிரிக்கட் சபை அரசாங்கத்திடம் கோரியுள்ளது.

தீவிரவாத தாக்குதல் நடத்தப்படக் கூடிய சாத்தியங்கள் காணப்படுவதாக பிரதமர் அலுவலகம் விளையாட்டுத்துறை அமைச்சின் ஊடாக ஸ்ரீலங்கா கிரிக்கட் சபைக்கு அறிவித்துள்ளது.

எனவே, பாதுகாப்பு நிலைமைகளை மீள் மதிப்பீடு செய்வதுடன், பாகிஸ்தான் கிரிக்கட் சுற்றுப் பயணம் குறித்து மிகவும் கூடுதலான கவனம் செலுத்தி தீர்மானம் எடுக்கப்பட வேண்டுமெனவும் வலியுறுத்தப்பட்டுள்ளது.

Latest Offers