கொரோனா வைரஸ் தொற்று! மனிதாபிமான பணிகளை முன்னெடுத்துள்ள இளைஞன்

Report Print Murali Murali in சமூகம்

கொரோனா வைரஸ் தாக்கம் காரணமாக வடக்கு மாகாணம் உள்ளிட்ட நாடு முழுவதும் ஊரடங்கு சட்டம் அமுல் செய்யப்பட்டுள்ளது.

இதனால் தினமும் நாள் கூலிக்கு வேலைக்கு சென்று வாழ்க்கை நடத்துபவர்கள், பெண் தலைமைத்துவ குடும்பங்கள், மாற்றுத்திறனாளிகள், முதியவர்கள் என பலரும் பாதிக்கப்பட்டுள்ளனர்.

குறிப்பாக வடக்கு - கிழக்கில் இந்த பிரச்சினை தலைதூக்கியுள்ளது.

இந்நிலையில், அவ்வாறு பாதிக்கப்பட்டவர்களுக்கு உதவும் முகமாக பல்வேறு மனிதாபிமான நடவடிக்கைகள் முன்னெடுக்கப்பட்டுள்ளன.

அந்த வகையில் பூநகரி வடக்கு பகுதியில் பாதிக்கப்பட்டுள்ளவர்களுக்கு உதவிகள் வழங்கி வைக்கப்பட்டுள்ளன. மூன்றாவது நாளாகவும் இந்த மனிதாபிமான பணிகள் முன்னெடுக்கப்பட்டுள்ளன.

பச்சிலைப்பள்ளி பிரதேச சபை உறுப்பினர் ஜெயகாந்தனால் இந்த உதவிப்பொருட்கள் வழங்கி வைக்கப்பட்டுள்ளன.

குறித்த நபர் ஒரு அங்கவீனமுடையவர் என்பதுடன், தனக்கு முடியாத நிலையிலும் தற்போது ஏற்பட்டுள்ள நெருக்கடியான இந்த சூழலில் மனிதாபிமான உதவிகளை செய்து வருகின்றார் என்பது குறிப்பிடத்தக்கது.