வவுனியாவில் மூடப்பட்ட வர்த்தக நிலையங்கள் சுகாதார நடைமுறைகளுடன் மீண்டும் திறப்பு

Report Print Thileepan Thileepan in சமூகம்

வவுனியா மாவட்டத்தில் கொரோனா தொற்று காரணமாக மூடப்பட்டிருந்த வர்த்தக நிலையங்கள் சுகாதார நடைமுறைகளுக்கமைய மீண்டும் திறக்கப்பட்டுள்ளன.

வவுனியா வடக்கு பகுதியில் வீதி திருத்தப் பணியில் ஈடுபட்டவர்களுக்கு கொரோனா தொற்று ஏற்பட்டிருந்தமை கண்டுபிடிக்கப்பட்டதையடுத்து கொரோனா தொற்றாளர்கள் வந்து சென்றதாக கருதப்படும் நான்கு வர்த்தக நிலையங்கள் தற்காலிகமாக மூடப்பட்டிருந்தன.

தற்போது வவுனியா வடக்கில் கொரோனா தொற்றுக்கு இலக்கானோர் எண்ணிக்கை 13ஆக உயர்வடைந்ததன் காரணமாக கொரோனா தொற்றுக்குள்ளானவர்கள் சென்றதாக கருதப்பட்ட வேப்பங்குளம் பகுதியில் உள்ள பிரபல ஹாட்வெயார், பழைய பேருந்து நிலையத்தில் உள்ள புத்தக விற்பனை நிலையம், ஹொரவபொத்தானை வீதியில் உள்ள ஹாட்வெயார், கண்டி வீதியில் அமைந்துள்ள பிரபல உணவகம் என மூன்று வர்த்தக நிலையங்களே சுகாதார பிரிவினரின் ஆலோசனைக்கமைய தற்காலிகமாக மூடப்பட்டிருந்தது.

தற்போது குறித்த வர்த்தக நிலையங்கள் தொற்று நீக்கம் செய்யப்பட்டு சுகாதார நடைமுறைகளை இறுக்கமாக பின்பற்றி இன்று காலை முதல் மீண்டும் திறக்கப்பட்டுள்ளமை குறிப்பிடத்தக்கதாகும்.