நிறுத்தப்பட்ட நியமனங்களை மீள் பரிசீலனை செய்து நியமனம் வழங்க வேண்டும்! வெளிநாட்டு பட்டதாரிகள் ஒன்றியம் கோரிக்கை

Report Print Abdulsalam Yaseem in சமூகம்
31Shares

அரசாங்கத்தினால் தேர்தலுக்கு முன்னர் வழங்கப்பட்ட நியமனத்தை மீள் பரிசீலனை செய்து நிறுத்தப்பட்ட நியமனத்தை வழங்க வேண்டும் என இலங்கை வெளிநாட்டுப் பட்டதாரிகள் ஒன்றியத்தினால் கோரிக்கை விடுக்கப்பட்டுள்ளது.

திருகோணமலையில், கிண்ணியா பொது நூலக மண்டபத்தில் இன்று நடாத்திய ஊடக சந்திப்பின் போதே இக்கோரிக்கையை முன்வைத்துள்ளனர்.

அரசாங்கத்தினால் பெப்ரவரி மாதம் 27ஆம் திகதி உள்நாட்டு மற்றும் வெளிநாட்டுப் பட்டதாரிகளுக்கு நியமனக் கடிதங்கள் அனுப்பி வைக்கப்பட்டது.

ஆனாலும் தேர்தல் காலங்களில் நியமனம் வழங்க முடியாது என வழங்கப்பட்ட நியமனங்கள் இடை நிறுத்தப்பட்டது.

இதேவேளை,பின்னர் வழங்கப்பட்ட நியமனத்தில் வெளிநாட்டுப் பல்கலைக்கழகங்களில் பட்டம் பெற்ற பட்டதாரிகள் புறக்கணிக்கப்பட்டுள்ளதாகவும் அவர்கள் கவலை தெரிவிக்கின்றனர்.

இது தொடர்பில் பல தடவைகள் ஜனாதிபதி செயலகத்திற்குச் சென்று பேசிய போதிலும் தாங்கள் புறக்கணிக்கப்பட்டுள்ளதாகவும், தங்களுக்கு ஏற்கனவே வழங்கப்பட்ட நியமனத்தை பரிசீலனை செய்து நிரந்தர நியமனங்களை வழங்க வேண்டுமெனவும் ஜனாதிபதி மற்றும் பிரதமர் கூடிய கவனம் செலுத்த வேண்டும் எனவும் அமைப்பினர் கோரிக்கை விடுத்துள்ளனர்.