பல கோடி மக்களைக் கொன்றொழித்த ப்ளேக் டெத் எப்படி முடிவுக்கு வந்தது தெரியுமா?

Report Print Tamilini in நோய்

இன்று உலகம் முழுவதும் அனைவருக்கும் இருக்கும் ஒரேயொரு மாபெரும் பெரிய பிரச்சினை கொரோனா வைரஸ்தான்.

உலகத்தில் இருக்கும் அனைத்து மக்களின் வாழ்க்கை மீதும், ஒவ்வொரு நாட்டு பொருளாதாரத்தின் மீதும் கொரோனா வைரஸ் நேரடியாகவோ அல்லது மறைமுகமாகவோ நிச்சயமாக ஒரு தாக்கத்தை ஏற்படுத்தியுள்ளது.

இருப்பினும் இதற்கு முன்னரும் அதாவது பற்பல நூற்றாண்டுகளுக்கும் முன்னரும், இந்த நூற்றாண்டுகளிலும் பற்பல வைரஸ்கள் மக்களின் வாழ்க்கையை மோசமாக பாதித்துள்ளது.

அதில் மிகவும் முக்கியமானது பிளாக் டெத். பிளாக் டெத் என்று அழைக்கப்படும் பிளாக் பிளேக் மனித வரலாற்றின் மிகவும் மோசமான தொற்றுநோய்களில் ஒன்றாகும்.

1346 முதல் 1353 வரை உலகம் முழுவதும் இதன் விளைவாக 75 மில்லியன் முதல் 200 மில்லியன் மக்கள் வரை இறந்தனர்.

இங்கிலாந்தில் கடைசியாக ஏற்பட்ட பெரிய பிளேக் தொற்றுநோய் 1665-66 ஆம் ஆண்டில் ஏற்பட்டது, இது லண்டனின் மக்கள்தொகையில் கால்வாசிப் பகுதியைக் கொன்றொழித்தது.

18 மாதத்தில் இதனால் 1,00,000 மக்கள் இறந்தனர்.

இந்த கொடூரமான தொற்றுநோய் எப்படி முடிவுக்கு வந்தது..? பிளாக் டெத் என்றால் என்ன..? எப்படி பரவியது? என விபரமாக பார்த்தோமானால்,

பிளாக் டெத் என்பது புபோனிக் பிளேக்கின் ஒரு தொற்றுநோயாகும், இது யெர்சினியா பெஸ்டிஸ் என்ற பாக்டீரியத்தால் ஏற்பட்ட ஒரு நோயாகும். அவை காட்டு கொறித்துண்ணிகள் மத்தியில் அதிக எண்ணிக்கையிலும் அடர்த்தியிலும் வாழ்கின்றன.

சீனாவில் தோன்றிய இந்த நோய் ஐரோப்பா முழுவதும் வர்த்தகம் மூலமாக மேற்கு நோக்கி பரவி ஆங்கில மாகாணமான காஸ்கனியில் இருந்து பிரிட்டிஷ் தீவுகளுக்கு வந்தது.

இந்த பிளேக் பாதிக்கப்பட்ட எலிகள் மற்றும் அந்த கண்டத்தில் பாதிக்கப்பட்ட நபர்களால் பரவியதாக நம்பப்படுகிறது.

இது தீவுகளில் ஒப்பீட்டளவில் கட்டுப்பாட்டில் இருந்தாலும், இது மற்ற நாடுகளுக்கு சென்ற போது வேகமாக பரவத் தொடங்கியது. ஏனெனில் இது மனிதரிடமிருந்து மனிதனுக்கு விரைவாக பரவியது.

1346 மற்றும் 1353 க்கு இடையிலான ஆண்டுகளில், பிளேக் அதிகமான மக்களை அழித்தது. இறந்தவர்களை அடக்கம் செய்ய போதுமான அளவு உயிரோடு இருந்தவர்கள் இல்லை என்று கூட பிரிட்டிஸ் வரலாற்றில் கூறப்பட்டிருக்கின்றது.

அன்றைய ப்ளேக் நோய் இன்றும் இருக்கிறது எனில் அது ஆச்சரியத்தக்க விடயம் அல்ல.

14ம் நூற்றாண்டின் புபோனிக் மற்றும் நிமோனிக் பிளேக் நோயானது யெர்சினியா பெஸ்டிஸ் என்ற பாக்டீரியாவால் ஏற்பட்டது. இது இன்னும் உயிருடன் இருக்கிறது. பொதுவாக விலங்குகளில் காணப்படுகிறது. இது ஒட்டுண்ணிகளின் கடியால் பரவுகிறது.

பிளேக் எவ்வாறு முடிவுக்கு வந்தது என்பதற்கான மிகவும் பிரபலமான கோட்பாடு தனிமைப்படுத்தல்களை செயல்படுத்துவதன் மூலம் ஆகும். பாதிக்கப்படாதவர்கள் பொதுவாக தங்கள் வீடுகளில் தங்கியிருப்பார்கள். அவர்கள் தேவைப்படும்போது மட்டுமே வெளியேறுவார்கள், அதே நேரத்தில் அவ்வாறு செய்யக்கூடியவர்கள் அதிக மக்கள் வசிக்கும் பகுதிகளை விட்டு வெளியேறி தனிமையில் வாழ்வார்கள். தனிப்பட்ட சுகாதாரத்தின் மேம்பாடுகளும் தொற்றுநோய்களின் போது நடக்கத் தொடங்கியுள்ளன என்று கருதப்படுகிறது, அதேசமயம் உடல்களை புதைப்பதற்கு பதிலாக எரித்ததன் மூலம் இது குறைந்ததாகவும் நம்பப்படுகிறது.

பிரபலமான கதை பிளாக் டெத் பற்றிய ஒரு பொதுவான கட்டுக்கதை, 1666 ஆம் ஆண்டின் பெரும் நெருப்பால் பிளேக்கின் மூன்றாவது பேரழிவு இறுதியாக லண்டனில் அழிக்கப்பட்டது என்று கூறுகிறது. இது பிரபலமான கதையாக இருந்தாலும் துரதிர்ஷ்டவசமாக உண்மையில்லை.

பிளேக்கால் இறக்கும் மக்களின் எண்ணிக்கை தீ விபத்துக்கு முன்பே குறைந்து கொண்டிருந்தது. அது அணைக்கப்பட்ட பின்னரும் மக்கள் தொடர்ந்து இறந்து கொண்டிருந்தனர். பிளாக் டெத்தின் விளைவு மனித வரலாற்றில் மிகப்பெரிய திருப்பு முனையாகவும், துயரம் நிறைந்ததாகவும் 1346-1353 இன் பிளாக் டெத் மனித வரலாற்றில் முக்கியமான இடத்தை பிடித்தது.

மக்கள் தொகை இழப்புகள் மட்டுமின்றி உழைப்பு, கலை, கலாச்சாரம் மற்றும் பொருளாதாரம் ஆகியவற்றிலும் உலகம் பெரும் பின்னடைவுகளை சந்தித்தது.

பிளாக் டெத் இன்னும் எங்கே உள்ளது என நோக்கினால், 2010 முதல் 2015 வரை, உலகளவில் 3,248 பிளேக் நோய்கள் பதிவாகியுள்ளன, இதன் விளைவாக 584 பேர் உயிரிழந்துள்ளனர் என்று உலக சுகாதார அமைப்பு தெரிவித்துள்ளது.

ஓசியானியாவைத் தவிர அனைத்து கண்டங்களிலும் பிளேக் இன்னும் காணப்படுகிறது. பாக்டீரியா, மற்றும் மக்கள் இணைந்த இடங்களில் மனித பிளேக் ஏற்படும் அபாயம் உள்ளது.

ஹொங்கோ, மடகாஸ்கர் மற்றும் பெரு ஜனநாயகக் குடியரசில் இது மிகவும் பொதுவானது, மேலும் ஆப்பிரிக்கா, ஆசியா மற்றும் தென் அமெரிக்காவில் இந்த தொற்றுநோய் சமீபத்தில் ஏற்பட்டுள்ளது.

1990 களில் இருந்து, பெரும்பாலான மனித பாதிப்புகள் ஆப்பிரிக்காவில் நிகழ்ந்துள்ளன என்று WHO கூறுகிறது.

மடகாஸ்கர் இந்த நோய்க்கான தாயகமாக அறியப்படுகிறது, மேலும் அந்நாட்டில் கிட்டத்தட்ட ஒவ்வொரு ஆண்டும் புபோனிக் பிளேக் நோய் பதிவாகின்றன.

வரலாற்றில் பிளாக் டெத் நமக்கு கூறும் முன்னெச்சரிக்கைகள் குறித்து எந்த ஆதாரமும் இல்லை. ஆனால் தொற்றுநோய் பரவும் போது ஜீனோபோபியா மற்றும் துன்புறுத்தலுக்கு எதிராக நாம் எவ்வாறு பாதுகாக்கிறோம் என்பது பற்றி பிளேக்கிலிருந்து தெரிந்துகொள்ளக்கூடியதாக இருக்கின்றது.

அனைத்து நாடுகளும் இப்போது கொரோனா பரவலைத் தடுக்க தத்தம் நாடுகளின் எல்லைகளை மூடியுள்ளது. இது பிளாக் டெத் நமக்கு கூறிய பாடமாகும்.

பிளாக் டெத்தால் உலகம் சந்தித்த உயிரிழப்புகளும், பொருளாதார இழப்புகளும் சரி செய்யப்பட பல ஆண்டுகள் தேவைப்பட்டது.

தற்போதும் கொரோனவால் நிலைகுலைந்துள்ள உலக பொருளாதாரத்தை மீட்டெடுக்க சில ஆண்டுகள் ஆகலாம் என்பதும் மறுக்கப்படாத உண்மையே....!