இலங்கையில் சிற்றுண்டி பிரியர்களுக்கு அதிர்ச்சி செய்தி

Report Print Shalini in பொருளாதாரம்

சமையல் எரிவாயுவின் விலை அதிகரிக்கப்பட்டதை அடுத்து, சிற்றுண்டிகளின் விலையை அதிகரிப்பதற்கு நுகர்வோர் விவகார அதிகார சபை தீர்மானித்துள்ளது.

1,538 ரூபாவாக காணப்பட்ட, 12.5 கிலோகிராம் எடையுடைய சமையல் எரிவாயு சிலிண்டரின் விலை 1,733 ரூபாவாக நேற்று நள்ளிரவு முதல் அதிகரிக்கப்பட்டுள்ளது.

அதற்கமைய, இன்று காலை முதல் சிற்றுண்டி உணவுகளின் விலை அதிகரிக்கப்படும் என சிற்றுண்டிச்சாலைகள் உரிமையாளர்கள் சங்கத்தின் தலைவர் அசேல சம்பத் கூறியுள்ளார்.

சமையல் எரிவாயுவின் விலை அதிகரிக்கப்பட்டுள்ளதால், மாதாந்தம் சுமார் 6,000 ரூபாவிற்கும் மேலதிக செலவு ஏற்படும்.

எனினும், இந்த நஷ்டத்திற்கு அரசாங்கம் பொறுப்பேற்காது என்ற காரணத்தால், சிற்றுண்டிகளின் விலையை அதிகரிக்க தீர்மானித்துள்ளதாக அவர் தெரிவித்துள்ளார்.

அதற்கமைய, பால்தேநீர், அப்பம், பிட்டு, ரொட்டி உள்ளிட்ட அனைத்து உணவுப் பொருட்களுக்கும் இன்று அதிகாலை முதல் விலை அதிகரித்துள்ளதாகவும் அவர் சுட்டிக்காட்டியுள்ளார்.