இலங்கை வரலாற்றில் எனக்கு நடந்த அநீதி! சரத் பொன்சேகா ஆதங்கம்

Report Print S.P. Thas S.P. Thas in அரசியல்

இலங்கை வரலாற்றில் மிகவும் மோசமான முறையில் பழிவாங்கப்பட்டேன் என நாடாளுமன்ற உறுப்பினர் பீல்ட்மார்ஷல் சரத் பொன்சேகா தெரிவித்துள்ளார்.

2019ஆம் ஆண்டுக்கான வரவு செலவுத் திட்டத்தின் மீதான நிதி ஒதுக்கீடு தொடர்பான குழுநிலை விவாதம் இன்று நாடாளுமன்றத்தில் இடம்பெற்றது. இதன்போது உரையாற்றிய அவர்,

பறிக்கப்பட்ட எனது வரப்பிரசாதங்கள் அனைத்தையும் பெற்றுத்தர நடவடிக்கை எடுக்கவேண்டும். இலங்கை வரலாற்றில் மிகவும் மோசமான முறையில் பழிவாங்கப்பட்ட எனக்கு, நாடாளுமன்ற உறுப்பினர் வரப்பிரசாதம், சம்பளம், கொடுப்பனவுகள், உறுப்பினர் ஓய்வூதியம், வாகன அனுமதிப்பத்திரம் என அனைத்தும் மீண்டும் வழங்கப்படாமை எனது நாடாளுமன்ற உறுப்பினர் சிறப்புரிமையை மீறும் செயலாகும்.

இதுதொடர்பாக ஆராய்ந்து பார்த்து எனக்கு வழங்கப்படவேண்டிய அனைத்து வரப்பிரசாதங்களையும் பெற்றுத்தருமாறு கேட்டுக்கொள்கின்றேன் என்றார்.