8ஆம் ஆண்டு பிள்ளையை திருமணம் முடித்த சஹ்ரான்! 90 ஆயிரம் பெண்கள் தொடர்பில் வெளிவரும் தகவல்

Report Print Jeslin Jeslin in அரசியல்

கடந்த 10 வருடங்களில் மாத்திரம் சிங்கள மற்றும் தமிழ் பெண்கள் 90 ஆயிரம் பேர் திருமணத்தின் மூலம் இஸ்லாம் மதத்திற்கு மாறியுள்ளனர் என நாடாளுமன்ற உறுப்பினர் அத்துரலியே ரதன தேரர் தெரிவித்துள்ளார்.

நேற்றையதினம் இடம்பெற்ற செய்தியாளர் சந்திப்பொன்றில் அவர் இதனைத் தெரிவித்துள்ளார்.

இங்கு அவர் தொடந்தும் குறிப்பிடுகையில்,

அடுத்து வரும் புதிய அரசாங்கத்தின் கீழ் இந்த 90 ஆயிரம் பேர் தொடர்பில் விசாரணையொன்றை நடத்தி, விரும்பியவர்களுக்கு தான் ஏற்கனவே இருந்த சமயத்துக்கு செல்வதற்கு வழியமைத்துக் கொடுப்போம்.

பாடசாலை வயதிலுள்ள பெண் பிள்ளைகளை திருமணம் முடிக்க முடியாது என்ற சட்டம் நாட்டில் அமுலில் இருந்தும், முதுகெலும்பு இல்லாத அரசாங்கத்துக்கு பயங்கரவாதி சஹ்ரான் பாடசாலை செல்லும் 8ஆம் ஆண்டு பிள்ளையை திருமணம் முடித்த போது தடுக்க முடியவில்லை என தெரிவித்துள்ளார்.

புதிய அரசாங்கத்தில் பாடசாலை செல்லும் பிள்ளைகளை மணம் முடிக்கத் தடை செய்யும் விதத்தில் கடுமையான சட்டமொன்றையும் கொண்டுவரப் போவதாகவும் தேரர் மேலும் குறிப்பிட்டுள்ளார்.

Latest Offers