நிறைவுக்கு வரும் ஊவா மாகாண சபையின் பதவிக்காலம்

Report Print Thirumal Thirumal in அரசியல்

ஊவா மாகாண சபையின் பதவிக்காலம் இன்று நள்ளிரவுடன் நிறைவுக்கு வரவுள்ளது.

கடந்த 5 வருட காலப்பகுதியில் 5 ஆளுநர்களும், 3 முதலமைச்சர்களும் இந்த மாகாண சபையை முன்னெடுத்துள்ளனர்.

கடந்த மாகாண சபை தேர்தல் பெறுபேறிற்கு அமைவாக 34 உறுப்பினர்களுடன், 2 போனஸ் அங்கத்தவர்களைக் கொண்டதாக இது அமைந்திருந்தது.

இதில் 19 உறுப்பினர்கள் கூட்டமைப்பிற்கு உட்பட்டவர்களாவர். ஐக்கிய தேசியக் கட்சி சார்பில் 13 உறுப்பினர்களும், மக்கள் விடுதலை முன்னணி சார்பில் 2 உறுப்பினர்களும் இந்த மாகாண சபையில் இடம்பெற்றிருந்தனர்.

சஸீந்திர ராஜபக்ச, ஹரின் பெர்னான்டோ ஆகியோருக்கு பின்னர் சாமர சம்பத் தஸநாயக்க முதலமைச்சராக பதவி வகித்தார்.

ஊவா மாகாண சபை ஐக்கிய மக்கள் சுதந்திர முன்னணியின் ஆட்சியின் கீழ் இருந்து வந்தமை குறிப்பிடத்தக்கது.

Latest Offers