பிரித்தானியாவின் கொரோனா நிலவரம்! வெளியாகியுள்ள அறிவிப்பு

Report Print Murali Murali in பிரித்தானியா

பிரித்தானியாவில் இன்றைய தினம் 19,875 கொரோனா தொற்றாளர்கள் மற்றும் 341 கொரோனா மரணங்கள் பதிவாகியுள்ளதாக அந்நாட்டு ஊடகங்கள் செய்தி வெளியிட்டுள்ளன.

இது நேற்றைய தினத்துடன் ஒப்பிடுகையில் கணிசமான அளவில் குறைந்துள்ளதாகவும் தெரிவிக்கப்பட்டுள்ளது. நேற்று 20,252 கொரோனா தொற்றாளர்கள் மற்றும் 511 இறப்புகள் பதிவு செய்யப்பட்டிருந்தது.

பிரித்தானியாவில் இதுவரையில் 1,493,383 பேர் கொரோனா தொற்றினால் பாதிக்கப்பட்டுள்ள நிலையில், 54,626 பேர் உயிரிழந்துள்ளதாக அறிவிக்கப்பட்டுள்ளது.

இதேவேளை டிசம்பர் 2ம் திகதி புதன்கிழமை சமூக கட்டுப்பாடுகளை நீக்குவதை அரசாங்கம் நோக்கமாகக் கொண்டுள்ளது.

புதிய கட்டுப்பாடுகள் காலாவதியாகும் போது அவை மற்றொரு வரிசைப்படுத்தப்பட்ட அமைப்பால் மாற்றப்படும் என்று அரசாங்கம் உறுதியளித்துள்ளது,

எவ்வாறாயினும், புதிய விதிகளை வெளிப்படுத்துவதற்கு முன்னதாக டவுனிங் ஸ்ட்ரீட் கொரோனா தொற்ற குறித்த வழக்குகளை தொடர்ந்து கண்காணித்து வருகிறது.

கிறிஸ்துமஸ் பண்டிகையையொட்டி கொவிட் நடவடிக்கைகள் என்னவாக இருக்க வேண்டும் என்பது குறித்து இங்கிலாந்து அரசாங்கமும், ஸ்காட்லாந்து, வேல்ஸ் மற்றும் வடக்கு அயர்லாந்தில் பகிர்ந்தளிக்கப்பட்ட நிர்வாகங்களும் பேச்சுவார்த்தை நடத்தி வருகின்றன.

விடுமுறையைக் கொண்டாடுவதற்காக குடும்பங்கள் ஒன்றிணைவதற்கு பண்டிகைக் காலங்களில் விசேஷமான கட்டுப்பாடுகள் இருக்கக்கூடும் என்று சமீபத்திய தகவல்கள் தெரிவிக்கின்றன.

எவ்வாறாயினும், கிறிஸ்துமஸ் காலங்களில் கட்டுப்பாடுகளிலிருந்து ஐந்து நாட்கள் விடுவிக்கப்பட்டதற்கு ஈடாக பிரித்தானியாவில் கிட்டத்தட்ட ஒரு மாத கால கூடுதல் முடக்கலை (Lockdown) எதிர்கொள்ளக்கூடும் என்றும் தெரிவிக்கப்பட்டுள்ளது.